“Məmləkət” partiyasının sədri Məhərrəm İncənin namizədliyinin geri götürməsinin arxasında FETÖ dayanır.

Senzor.az yerli KİV-ə istinadən bildirir ki, bunu Türkiyə Prezidenti Rəcəb Tayyib Ərdoğan deyib.

“Kaset təxribatının arxasında Pensilvaniya var, FETÖ var. Bu oyunu Məhərrəm bəyə qarşı oynadılar”, - deyə Türkiyə Prezidenti vurğulayıb.

Bu arada məlum olub ki, Məhərrəm İncənin Türkiyə prezidentiliyinə namizədliyini geri götürməsindən sonra rəhbəri olduğu Məmləkət Partiyasından kütləvi istefalar başlayıb.

Belə ki, Məmləkət Partiyasının Adıyaman vilayətinin Kahta rayonu üzrə sədri Müzəffər Yıldız vəzifəsindən istefa verərək seçkilərdə AKP-yə səs verəcəyini deyib.

Yıldızla bərabər partiyanın daha bir neçə üzvü də istefa verib.