Rusiya Prezidenti Vladimir Putin Kremldə Çeçenistan rəhbəri Ramzan Kadırovun həyat yoldaşı Medni Kadırovaya “Qəhrəman Ana” fəxri adının nişanını təqdim edib.
Senzor.az yerli KİV-ə istinadən bildirir ki, Kremlin Yekaterina zalında keçirilən dövlət mükafatlarının təqdimetmə mərasiminin stenoqramı Rusiya Prezidentinin saytında dərc olunub.
“Uşaq böyütmək həm sevincdir, həm də gündəlik işdir. Çoxuşaqlı ailələrə hörmət etmək xalqımızın adət-ənənəsidir. “Qəhrəman ana” adına layiq görülmüş Medni Musayevna Kadırovanı bu salonda salamlamağa şadam”, - Putin təbrik nitqində deyib.
Qeyd edək ki, Medni Kadırova 13 uşaq anasıdır.
