“PKK terror qruplaşması Türkiyədə prezident seçkilərinin keçiriləcəyi 28 may tarixində ölkədə xaos yaratmağa hazırlaşır”.

Bu barədə “Yeni şafak” qəzeti məlumat yayıb. 

Bildirilir ki, hazırlıqlar Yunanıstandakı Lavrion düşərgəsində aparılıb və davam edir. Düşərgədən göndərilən və ələ keçirilən şifrəli mesajda artıq “İnşaata başlayın” təlimatı verilib.

“Report” xatırladır ki, daha əvvəl Türkiyənin daxili işlər naziri Süleyman Soylu Lavrion düşərgəsində təlim keçən terrorçuların prezident seçkilərinin ilk turunda - mayın 14-də də ölkədə qarışıqlıq yaratmaq istədiklərini bildirib. Lakin bunun qarşısı alınıb.

Qeyd edək ki, Lavrion düşərgəsi son illər tamamilə PKK terror təşkilatının nəzarətinə keçib. Terrorçular müntəzəm olaraq orada təlim keçirlər.