Türkiyə Quru Qoşunlarının komandanı, general Musa Avsevər Silahlı Qüvvələrin Baş Qərargah rəisi təyin edilib.
Senzor.az bildirir ki, bu barədə Türkiyə Prezidenti Rəcəb Tayyib Ərdoğan sərəncam imzalayıb.
Qeyd olunub ki, Musa Avsevər yerinə yeni təyinat olunana qədər əvvəlki vəzifəsini də davam etdirəcək.
Yeri gəlmişkən, 66 yaşlı Avsever 2021-ci il avqustun 5-də Quru Qoşunlarının komandanı təyin olunmazdan əvvəl 2016-2021-ci illərdə Türkiyənin Birinci Ordusunun 57-ci komandanı vəzifəsində çalışıb.
Onu da xatırladaq ki, bundan əvvəl bu vəzifəni Türkiyənin milli müdafiə naziri təyin edilmiş Yaşar Gülər tutub.
