HƏMAS qruplaşması İordan çayının Qərb sahilində İsrail ordusuna qarşı mübarizə çağırışı edib.
Axar.az xəbər verir ki, bu barədə hərəkatın nümayəndəsi Fauzi Barhum açıqlama verib.
“Qərb sahilində əlinə silah götürə bilən hər kəs onu düşmən İsrail əsgərinə tuşlamalıdır”, - Barhum bildirib.
Qeyd edək ki, bu gün İsrail təhlükəsizlik qüvvələri İordan çayının Qərb sahilində HƏMAS-a qarşı əməliyyat keçirib. Məlumata görə, əməliyyat nəticəsində 5 fələstinli öldürülüb.
