"Qarabağ" UEFA Çempionlar Liqasının 2023/2024 mövsümündə mübarizəyə başlayıb.
Senzor.az bildirir ki, Qurban Qurbanovun yetirmələri I təsnifat mərhələsinin ilk oyununda Cəbəllütariqdə "Linkoln"un qonağı olub.
“Viktoriya” stadionunda keçirilən matçda "Qarabağ" komandası 2:1 hesablı qələbə qazanıb.
Latviyalı FIFA referisi Vitali Spasennikovun idarə etdiyi oyunda “Linkoln”un heyətində Kike Qomes fərqlənib. Ağdam təmsilçisinin qollarını Redon Cica və Yassin Benzia vurublar.
Komandalar arasında cavab oyunu iyulun 19-da Bakı Olimpiya Stadionunda keçiriləcək. Bu cütün qalibi ikinci təsnifat mərhələsində “Rakuv” (Polşa) – “Flora” (Estoniya) cütünün güclüsü ilə qarşılaşacaq.
