İraqda etirazçılar İsveçin Bağdaddakı səfirliyinin binasını yandırıblar.
Bu barədə “Reuters” mənbələrinə istinadən xəbər yayıb.
Bu yaxınlarda Stokholm hakimiyyətinin razılığı ilə həyata keçirilən Quranın yandırılmasına etiraz edənlər İsveçin Bağdaddakı səfirliyinə hücim ediblər.
Agentlik mənbə və hadisə şahidinə istinadən bildirib ki, etirazçılar binanı yandırıblar.
Hadisə zamanı səfirlik əməkdaşlarından heç kim xəsarət almayıb.
“Report” xatırladır ki, daha əvvəl İsveç polisi İraqın ölkədəki səfirliyi yaxınlığında Quranın yandırılmasına icazə verib.
Qeyd edilir ki, Stokholm polisi İraq səfirliyi qarşısında "ictimai toplantı" keçirmək üçün icazə verib, lakin etirazçıların nə planlaşdırdıqları barədə əlavə şərhdən imtina edib.
KİV-in məlumatına görə, etirazçılar Qurani-Kərimi və İraq bayrağını yandırmaq niyyətindədirlər. İyunun sonunda Stokholmda Quranı açıq şəkildə yandıran eyni iki nəfər cümə axşamına planlaşdırılan aksiyada iştirak edəcək.
İyunun sonunda Stokholmda Qurban bayramı zamanı Quranın təhqir olunması və yandırılması ilə geniş əks-səda doğuran aksiya dünyanın bir çox ölkələrində böyük narazılığa səbəb olub.
