Avqustun 18-də Moskvada Rusiya Federasiyasının xarici işlər naziri Sergey Lavrov Azərbaycan, İran, Qazaxıstan və Türkmənistan səfirləri ilə 12 Avqust Beynəlxalq Xəzər Gününə həsr olunmuş görüş keçirib.
Senzor.az bildirir ki, bu barədə Rusiya Xarici İşlər Nazirliyinin saytı məlumat yayıb.
Görüşdə Xəzər regionunda çoxşaxəli əməkdaşlığın geniş spektrli məsələləri ətrafında maraqlı fikir mübadiləsi aparılıb.
Həmçinin “Beşlik” formatında əməkdaşlığın qurulması istiqamətində gələcək addımlar, o cümlədən Xəzəryanı ölkələrin xarici işlər nazirlərinin Moskvada keçiriləcək görüşünə hazırlıq müzakirə edilib.
