Fransa Xarici İşlər Nazirliyi bildirib ki, üsyançıların Fransa səfirinin Nigeri tərk etməsini tələb etməyə haqqı yoxdur.
Bu barədə “Agence France-Presse” xəbər yayıb.
"Fransa üsyançıların tələbini nəzərə alıb", - agentlik Fransa Xarici İşlər Nazirliyinin bəyanatından sitat gətirib. Amma o da qeyd olunub ki, üsyançıların belə bir tələb irəli sürməyə haqqı yoxdur.
Xatırladaq ki, dünən üsyançı liderlər Fransanın Niameydəki səfirindən 48 saat ərzində ölkəni tərk etməyi tələb ediblər. Niger mətbuatının yazdığına görə, səfir üsyançıların nəzarətində olan Xarici İşlər Nazirliyinin zənginə cavab verməyib və yeni hakimiyyətin nümayəndələri ilə görüşməkdən imtina edib.
İndi hamı üsyançıların hansı addımı atacaqlarını gözləyir.
