Rusiya və Belarus prezidentləri Vladimir Putin və Aleksandr Lukaşenko arasında telefon danışığı olub.
"RİA Novosti" xəbər verir ki, telefon danışığı zamanı Putin Belarus Prezidentini ad günü münasibətilə səmimi qəlbdən təbrik edib.
"Söhbətin gedişində Rusiya-Belarus müttəfiqliyini və strateji tərəfdaşlığını daha da gücləndirmək üçün qarşılıqlı niyyət təsdiqlənib", - məlumatda deyilir.
O da qeyd olunur ki, bundan əvvəl Rusiya Prezidenti Aleksandr Lukaşenkoya təbrik teleqramı göndərib.
