Rusiya Prezidenti Vladimir Putin İctimai Palatanın üzvləri ilə görüşü zamanı Rusiya Müsəlmanları Ruhani Məclisinin rəhbəri, müfti Albir Krqanovu “Əleykum salam” sözləri ilə salamlayıb.

Görüş Kremlin Teleqram kanalında yayımlanıb.

“Hörmətli Vladimir Vladimiroviç, salam aleykum”, - deyə müfti dövlət başçısına müraciət edib.

Buna cavab olaraq, Putin mikrofonu götürərək din xadimini salamlayıb.

“Əleykum salam”,- deyə Prezident təbəssümlə bildirib.

Daha sonra Putin qeyd edib ki, SSRİ dövründə indiki qədər məscid tikilməyib.

“Müasir Rusiyada sovet dövründəkindən daha çox məscid tikilib. Ərəb həmkarlarım Rusiyada 8 min məscidin tikildiyinə inanmırlar”, - deyə o bildirib. Prezidentin sözlərinə görə, bu rəqəm fantastik görünür, lakin tikinti davam edəcək.

“Bu, dövlət üçün vacibdir və biz bunu dəstəkləyəcəyik”, - deyə Prezident vurğulayıb.