NATO-nun baş katibi Yens Stoltenberq Ukrayna ilə müharibədə Rusiyanın mümkün qələbəsini faciə adlandırıb.
Senzor.az yerli KİV-ə istinadən bildirir ki, o bu fikri Berlində Almaniyanın müdafiə naziri Boris Pistoriusla birgə keçirdiyi brifinqdə səsləndirib.
“Prezident Putin (Rusiya Prezidenti Vladimir Putin – red.) qalib gəlsə, bu, təkcə ukraynalılar üçün deyil, həm də bizim üçün faciə olacaq”, - Alyansın baş katibi vurğulayıb.
Onun sözlərinə görə, Ukraynaya dəstək davam etdirilməlidir: “Bu, bizim maraqlarımıza uyğundur”.
