Moldovada prezident seçkilərinin ikinci turunda Maya Sandu və Aleksandr Stoyanoqlo mübarizə aparacaqlar.
Senzor.az yerli KİV-ə istinadən bildirir ki, bu, seçki protokolların 98,51 faizinin nəticələri açıqlanandan sonra məlum olub.
Belə ki, namizədlərdən heç biri birinci turda qalib gəlmək üçün lazımi sayda səs toplaya bilməyib. Daha dəqiq desək, Mərkəzi Seçki Komissiyasının açıqladığı ilkin nəticələrə əsasən, Maya Sanduya 640 881 seçici səs verib ki, bu da seçkilərdə iştirak edənlərin 42,07 faizinə bərabərdir. İkinci yeri Aleksandr Stoyanoqlo tutub. Onu 400 208 vətəndaş dəstəkləyib ki, bu da seçicilərin ümumi sayının 26,27 faizini təşkil edir.
MSK-nın məlumatına görə, Maya Sandu demək olar ki, 240 673 səs fərqi ilə qalib gəlir. Renato Usatı 209 011 səslə (13,72 faiz) üçüncü yeri tutub.
Mərkəzi Seçki Komissiyası sədri bildirib ki, seçkilərin ikinci turu iki həftədən sonra - noyabrın 3-də keçiriləcək.
