Türkiyə tərəfindən PKK/KCK - PYD/YPG terror təşkilatına qarşı keçirilən "Gürz-22" əməliyyatları çərçivəsində 55 terror təşkilatı üzvünün saxlanılıb.
Senzor.az yerli KİV-ə istinadən bildirir ki, bu barədə Türkiyənin Daxili İşlər naziri Ali Yerlikaya açıqlama verib.
Məlumatda bildirilir ki, əməliyyatlar Respublika Baş Prokurorluğu və Jandarma Baş Komandanlığının Terrorla Mübarizə İdarəsinin koordinasiyası altında vilayət jandarma komandanlıqları tərəfindən Adana, Aydın, Iğdır, Siirt, Hatay, Kars, İzmir, Erzurum, Eskişehir, Kocaeli, Muğla, Manisa, Hakkari, Trabzon, Elazığ, Muş və Şırnakda həyata keçirilib.
"17 vilayətdə PKK/KCK-PYD/YPG terror təşkilatına qarşı jandarma tərəfindən həyata keçirilən "Gürz-22" əməliyyatlarında 55 şübhəli terrorçu yaxalanıb. Millətimizin əmin-amanlığı, birlik və həmrəyliyi naminə sonuncu terrorçu zərərsizləşdirilənədək dualarınız və dəstəyinizlə fasiləsiz mübarizəmizi davam etdirəcəyik", - nazir qeyd edib.
