Ukrayna Prezidenti Volodimir Zelenski Ağ Evdə onunla bağlı çəkişmənin nəticələrinin aradan qaldırılacağına və Kiyev ilə Vaşinqtonun konstruktiv münasibətlərə qayıdacağına əmindir.

Bunu dövlət başçısı Böyük Britaniyanı tərk etməzdən əvvəl Stansted hava limanında britaniyalı jurnalistlərə deyib.

“Mən əminəm ki, hazırkı vəziyyət aradan qaldırılacaq”, – deyə “Sky News” Zelenskinin sözlərini sitat gətirib.

O əmin edib ki, əgər gələcək danışıqlar konstruktiv olarsa, o zaman “müsbət nəticələr” gələcək.

Zelenski həmçinin bildirib ki, Ukrayna ABŞ-dan hərbi yardım almağa davam edir: “Biz ABŞ ilə işləyirik, əvvəllər ABŞ Konqresinin təsdiq etdiyi yardım silah şəklində gəlir. Biz yeni dəstəyə ümid etmək istəyirik”.(“Report”)