Fransa prezidenti Emmanuel Makron Parisdə bir sıra ölkələrin baş qərargah rəisləri ilə görüşüb.
Bu barədə BFMTV telekanalı məlumat yayıb.
Məlumata görə, görüşdə Türkiyə və Böyük Britaniya da daxil olmaqla 30 ölkədən nümayəndə iştirak edib. ABŞ təmsilçisi toplantıya qatılmayıb. Görüş 1 saat 20 dəqiqə davam edib.
Makronun çıxışı əvvəlcədən yayılsa da, görüş bağlı qapılar arxasında keçirilib. Mənbə Fransa liderinin çıxış edib-etmədiyinə aydınlıq gətirməyib.
Qeyd edək ki, görüşdə mümkün atəşkəs razılaşmalarının yerinə yetirilməsinə nəzarət etmək üçün Ukraynada Avropa kontingentinin potensial yerləşdirilməsi məsələsinin müzakirəsi planlaşdırılırdı.
