İstanbul şəhər bələdiyyəsinin sədri Əkrəm İmamoğlu və digər 90 şübhəli dindirilmək üçün Çağlayandakı Ədliyyə Sarayına gətiriliblər.

Senzor.az yerli KİV-ə istinadən bidirir ki, prosedura uyğun olaraq, həmin şəxslər prokurora ifadə verməlidirlər. O, öz növbəsində iş materiallarının məhkəməyə verilməsi ilə bağlı qərar verəcək, məhkəmə isə növbəti qətimkan tədbiri seçəcək.

Qeyd edək ki, Ekrem İmamoğlu PKK terror təşkilatı ilə əməkdaşlıq, korrupsiya və rüşvət maddələri ilə ittiham edilir.

Onu da qeyd edək ki, məhkəmə binasının ətrafında təhlükəsizlik tədbirləri gücləndirilib.

İki istintaq üzrə 30 (bəzi mənbələrə görə 34) prokurorun iştiraki ilə başlayan “ifadə prosesi”nin səhər saatlarına qədər davam edəcəyi gözlənilir.