Rusiyanın xarici işlər naziri Sergey Lavrov Leypsiq aeroportuna PUA hücumu ilə bağlı Qərbin Moskvaya qarşı ittihamlarını “əsl müharibənin başlanğıcı” adlandırıb.

Senzor.az yerli KİV-ə istinadən bildirir ki, Rusiya xarici siyasət idarəsinin rəhbəri bu barədə bəyanatla çıxış edib.

Lavrov Almaniyanın diplomatik nümayəndəliklərini bağlamasını İkinci Dünya müharibəsindən əvvəlki hadisələrlə müqayisə edib.

Nazir Berlinin “yenidən müharibə istədiyini” və tarixdən dərs çıxarmadığını vurğulayaraq, Rusiya rəhbərliyinin buna uyğun nəticələr çıxaracağını bildirib: “Leypsiq, aeroport... Hansısa PUA tapıblar. Heç bir araşdırma aparılmadan bunun Rusiya dronu olduğunu bildirdilər. Bu, əslində, böyük mənada əsl müharibənin başlanğıcıdır”.

Rusiya XİN rəhbəri həmçinin əlavə edib ki, bəzi müasir siyasi xadimlər tezliklə Avropa siyasətinin zirvəsindən “süpürülüb atılacaqlar”.