İtaliyada qiymətlərin artması və sosial-iqtisadi problemlər fonunda kütləvi etiraz aksiyaları keçirilib. Nümayişlər zamanı polislə toqquşmalar baş verib, xəsarət alanlar var.

Bu barədə "Mash" "Telegram" kanalı məlumat yayıb.

Məlumata əsasən, Milan və Bolonya şəhərlərində etirazçılar polislə qarşıdurmaya giriblər. İğtişaşlar nəticəsində azı 60 nəfər xəsarət alıb.

"Milanda qrup şəklində olan insanlar polisə daş və petardalar atıb, barrikadaları yandırıb və vitrinləri sındırıblar. Polis buna cavab olaraq gözyaşardıcı qaz və su şırnağından istifadə edib. Populyar ticarət mərkəzində və küçələrdə partlayış səsləri eşidilib", - deyə mənbədə bildirilir.