İran Prezidenti Məsud Pezeşkian çərşənbə axşamı ABŞ ilə davam edən hərbi gərginlik fonunda istefa ərizəsi təqdim etməsi ilə bağlı xəbərləri təkzib edib.
Senzor.az bildirir ki, Pezeşkian rəsmi IRNA xəbər agentliyi tərəfindən yayımlanan televiziya çıxışında deyib: “Əgər istefa verəcək olsaydım, bunu açıq şəkildə elan edərdim. İstefa verməyəcəyəm və mübarizəni davam etdirəcəyəm”.
O, həmçinin Ali Lider Müctəba Xamenei və silahlı qüvvələrlə fikir ayrılıqları iddialarını təkzib edərək, onlarla tam harmoniya içində çalışdığını vurğulayıb. “Hamı bilir ki, hər hansı bir fikir ayrılığı yaranarsa, silahlı qüvvələr Xamenei ilə birlikdə olacaq”, - deyə o əlavə edib.
Xatırladaq ki, İranın müxalifət mediası Pezeşkianın Xameneiyə bir neçə dəfə istefa ərizəsi təqdim etdiyini iddia etmişdi.
