Şəmkirdə bir neçə nəfərin xəsarət alması ilə nəticələnən yol-nəqliyyat hadisəsi olub.
Senzor.az bildirir ki, hadisə Şəmkir şəhərinin 7-ci küçə adlanan ərazisində qeydə alınıb.
Şəmkir rayon sakini B.Namazovun idarə etdiyi "VAZ-21015" markalı avtomobil F.Quliyevin idarə etdiyi "Mitsubishi" markalı avtomobillə toqquşub. Qəza nəticəsində avtomobillərin birində olan bir ailənin 3 üzvü xəsarət alıb.
Yaralılar xəstəxanaya çatdırılıb. Amma həkimlərin səyinə baxmayaraq, onlardan birinin - 1964-cü il təvəllüdlü Maya Namazovanın həyatını xilas etmək mümkün olmayıb.
Faktla bağlı araşdırmalara başlanılıb.
