Şəhid həyat yoldaşının Zərdabda keçirilən anım mərasiminə gedən qadın qəzaya düşərək ölüb.
APA-nın məlumatına görə, Vətən Müharibəsində şəhid olan Zərdab rayonu, Gəlmə kənd sakini mayor Rəhim Hüseynovun həyat yoldaşı Ələsgərova Günel İnqilab qızı Bakıdan rayona anım mərasiminə gedirmiş.
Yol qəzası Kürdəmir yolunda baş verib.
Avtomobildə olan digər sərnişin də qəzada ölüb.
Zərdab Rayon İcra Hakimiyyəti başçısının köməkçisi Səməd Cəfərov faktı təsdiqləyib.
Saytın əldə etdiyi məlumata görə, qəzada Günel Ələsgərovanın övladı da avtomobildə olub, amma o, xəsarət almayıb.
