Bakıda idman zalında məşq edən idmançının ölümü ilə bağlı araşdırmalara başlanılıb.
Senzor.az-ın məlumatına görə, bu barədə KİV-in sorğusuna cavab olaraq Baş Prokurorluğun Mətbuat Xidmətindən bildirilib.
Qeyd edilib ki, 1991-ci il təvəllüdlü Teymur Məmmədrzayevin Səbail rayonu ərazisində yerləşən idman zalında ölməsi faktı ilə bağlı rayon prokurorluğunda araşdırma aparılır.
**20:34
Bakıda fitnes məşqçisi Teymur Məmmədrzayev idman zallarından birində vəfat edib.
Senzor.az bildirir ki, hadisə günorta saatlarında qeydə alınıb.
Hadisənin baş verdiyi zalın sahibi Ceyhun Vəliyev oxu.az-a açıqlamasında bildirib ki, 1991-ci il təvəllüdlü idmançının meyiti bu gün saat 13:00 radələrində zalın daxilində olan istirahət otağında tapılıb: "Teymur Məmmədrzayev anadangəlmə epilepsiya xəstəliyindən əziyyət çəkirdi. Ekspertizanın rəyinə görə, onun epilepsiyası tutub və vəfat edib".
O qeyd edib ki, T.Məmmədrzayev yarışa hazırlaşırdı və zalda məşq edirmiş.
