Tovuzda bədbəxt hadisə baş verib.
Senzor.az-ın məlumatına görə, hadisə Hunalılar kəndində qeydə alınıb.
Belə ki, hərəkətdə olan “VAZ 2107” markalı minik avtomobili Kür çayına aşıb. Bu zaman sürücü - 1989-cu il təvəllüdlü Tural Quliyev, sərnişinləri - 1991-ci il təvəllüdlü Vüqar Cəfərov və 1988-ci il təvəllüdlü Elxan Sadıqov batıblar, 1992-ci il təvəllüdlü Turqut İbrahimov isə xilas ola bilib.
Hadisə yerinə Tovuz Rayon Polis Şöbəsinin əməkdaşları cəlb olunub.
Bu arada hadisə ilə bağlı Fövqəladə Hallar Nazirliyi (FHN) də məlumat yayıb. Məlumatda deyilir ki, FHN-in "112" qaynar telefon xəttinə Tovuz rayonun Hunanlar kəndi ərazisində içərisində 3 nəfər olan avtomobilin Kür çayına düşməsi barədə məlumat daxil olub.
Məlumatla əlaqədar Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.
Əlavə məlumat veriləcək.
