Kürdəmirdə ağır yol qəzası baş verib, ölənlər var.
”Report” bildirir ki, hadisə rayonun Cəyli kəndi ərazisində qeydə alınıb.
Belə ki, "Mercedes" markalı avtomobilin sürücüsü Kürdəmir istiqamətində hərəkətdə olarkən idarəetməni itirib, maşın yoldan çıxaraq bir neçə dəfə yuvarlanıb və aşıb.
Qəza zamanı avtomobildə olan üç nəfər - Cəyli kənd sakinləri Xanalıyev Ceyhun Ağanəzər oğlu, Xanalıyev Toğrul Hikmət oğlu və Əhmədov Süleyman Qarakişi oğlu həlak olublar. Bir nəfər - Umudov Əflatun Əflan oğlu isə ağır bədən xəsarətləri alaraq Təcili Tibbi Yardım maşınının köməyi ilə Kürdəmir Rayon Mərkəzi Xəstəxanasına aparılıb.
Faktla bağlı araşdırma aparılır.
