Rusiyanın Nijni Tagil şəhərində beşmərtəbəli yaşayış binasında partlayış zamanı uçmuş evin dağıntıları altında 9 nəfər qala bilər.

Rusiya KİV xəbər verir ki, axtarışı aparılan 9 nəfərdən 4-nün uşaq olduğu bildirilir.

Hazırda 3 uşaq və 3 böyük xilas edilərək xəstəxanaya yerləşdirilib. Dağıntıların təmizlənməsi davam edir.

**

Rusiyanın Nijni Tagil şəhərində beşmərtəbəli yaşayış binasında partlayış baş verib.

TASS xəbər verir ki, hadisəyə qaz balonunun partlaması səbəb olub. Nəticədə xəsarət alanların olduğu bildirilir.

Əraziyə xilasedicilər və təcili yardım briqadaları cəlb edilib.

Dağıntılar altında qalanların olduğu bildirilir. Onlar qışqıraraq kömək istəyirlər.

Hazırda dağıntılar altında qalanların xilası üzrə işlər davam etdirilir.