Avqustun 11-də Naxçıvan Muxtar Respublikasının Şahbuz rayonunun Ermənistanla təmas xətti olmuş və minalardan təmizlənməmiş "Qanlıgöl" yaylağı adlanan ərazisində mina partlayışı hadisəsi baş verib.
Senzor.az bildirir ki, Baş Prokurorluğun Mətbuat Xidmətindən verilən məlumatda belə deyilir.
Qeyd olunub ki, hadisə nəticəsində 2005-ci il təvəllüdlü Şərur rayon sakini Bəxtiyar Sultanov müxtəlif dərəcəli xəsarətlər alıb. O, dərhal xəstəxanaya çatdırılaraq zəruri tibbi yardımlar göstərilib, hazırda vəziyyəti ağır olaraq qalır.
"Şahbuz Rayon Prokurorluğunun əməkdaşları tərəfindən prokuror-kriminalist və Azərbaycan Ordusunun mühəndis-istehkam bölmələrinin iştirakı ilə hadisə yeri müayinə olunub və digər zəruri prosessual hərəkətlər icra edilib"- deyə məlumatda bildirilir.
Faktla bağlı Şahbuz Rayon Prokurorluğunda araşdırma aparılır.
**23:00 (11.08.2024)
Şahbuz rayonunda çoban minaya düşüb.
APA xəbər verir ki, Şərur rayonu, Mahmudkənd kənd sakini Bəxtiyar Soltanov Şahbuz rayonunun Kükü kəndi - Qanlıgöl ətrafında minaya düşüb.
O, Naxçıvan Xəstəxanasına yerləşdirilib.
Faktla bağlı araşdırma aparılır.
