İranın Yəzd əyalətində pakistanlı zəvvarları daşıyan avtobus qəzaya uğrayıb.

Senzor.az yerli KİV-ə istinadən bildirir ki, bu barədə İran hüquq-mühafizə qüvvələrinin yol polisinin rəhbəri, general Teymur Hüseyni məlumat yayıb.

Qəza nəticəsində 35 nəfər ölüb, daha 15 nəfər yaralanıb.

Məlumata görə, avtobus Pakistandan İraqa gedirmiş.

Qəzaya səbəb kimi əyləc sisteminin texniki nasazlığı göstərilib.

Pakistan Prezidenti Asif Əli Zərdari həlak olanlarla bağlı başsağlığı verib. O həmçinin, Xarici İşlər Nazirliyinə tapşırıb ki, həlak olanların meyitlərinin Vətənə çatdırılmasını təmin etsin.