Tovuz rayonunun Bozalqanlı kəndi ərazisində yanğın qeydə alınıb.
Azərtac xəbər verir ki, yanğın kənd qəbiristanlığının ərazisində təxminən 2 hektardan çox sahəni əhatə edib.
Kənd evləri qəbiristanlığa yaxın olduğundan alovun evlərə keçməsinin qarşısını almaq üçün hadisə yerinə Tovuz yanğından mühafizə hissəsinin 4 yanğın söndürmə maşını və canlı qüvvəsi cəlb olunub. Əraziyə təcili tibbi yardım briqadası da gəlib. Hadisə nəticəsində xəsarət alan olmayıb. Yanğın, alovun yaxınlıqdakı evlərə keçməsinin qarşısı alınaraq tam söndürülüb.
Faktla bağlı araşdırma aparılır.
