Müğənni Şəlalə Nicat prodüseri ilə birlikdə Hacıqabul ərazisində qəzaya düşüb.
APA-nın məlumatına görə, hadisə Bakı-Qazax magistralının Hacıqabul rayonunun Muğan qəsəbəsindən keçən hissəsində qeydə alınıb.
Bakı sakini, 1991-ci il təvəllüdlü Şəlalə Əlisar qızı Yağızın (Şəlalə Nicat) idarə etdiyi “KİA” markalı avtomobil yoldan çıxaraq aşıb.
Nəticədə sürücü və avtomobildə olan prodüser Hüseynov İlkin müxtəlif dərəcəli xəsarətlərlə Şirvan Şəhər Mərkəzi Xəstəxanasına yerləşdiriliblər.
Qeyd edək ki, müğənni və onun prodüseri toy şənliyində iştirak etmək üçün Ucar rayonuna gedirlərmiş.
Faktla bağlı araşdırma aparılır.
