Fövqəladə Hallar Nazirliyi (FHN) tərəfindən həyata keçirilmiş operativ tədbirlər sayəsində Abşeron rayonu, Xırdalan şəhərində çoxmərtəbəli yaşayış binasında baş vermiş yanğın genişlənməsinə imkan verilmədən qısa müddətdə söndürülüb.
Senzor.az bildirir ki, bu barədə FHN-in Mətbuat xidmətindən məlumat verilib.
Təhlükəsizlik tədbirləri çərçivəsində bina sakinləri təxliyə olunub.
**20:41
Abşeron rayonu, Xırdalan şəhərində çoxmərtəbəli yaşayış binasında yanğın genişlənməsinə imkan verilmədən qısa müddətdə məhdudlaşdırılıb.
Bu barədə FHN-in Mətbuat xidmətindən bildirilib.
Məlumata görə, Dövlət Yanğından Mühafizə Xidməti və Xüsusi Riskli Xiıasetmə Xidmətinin qüvvələri tərəfindən yanğının tam söndürülməsi istiqamətində tədbirlər davam etdirilir.
Əlavə məlumat veriləcək.
**20:28
Abşeron rayonu, Xırdalan şəhərində çoxmərtəbəli yaşayış binasında güclü yanğın başlayıb.
"Report"un məlumatına görə, yanğın hadisəsi Abşeron Gənclər Şəhərciyində qeydə alınıb.
Məlumatla əlaqədar Fövqəladə Hallar Nazirliyinin müvafiq xilasetmə qüvvələri çağırış üzrə cəlb olunublar.
Hazırda yanğınsöndürmə və digər təxirəsalınmaz işlər həyata keçirilir.
Əlavə məlumat veriləcək.
