Krımın Cankoy rayonundakı İzumrudnoe və Maslovo kəndlərini birləşdirən körpü uçub.
Senzor.az yerli KİV-ə istinadən bildirir ki, bu barədə Rusiya Fövqəladə Hallar Nazirliyindən məlumat verilib.
Məlumata görə, hadisə baş verən zaman körpünün üzərində minik avtomobili və yük maşını olub. Rusiya Fövqəladə Hallar Nazirliyinin əməkdaşları xəsarət alan iki nəfəri xilas ediblər.
Cankoy rayon administrasiyasının rəhbəri İrina Fedorenko hadisə yerində xilasetmə xidmətlərinin işlədiyini bildirib.
