Cəlilabadda qəza nəticəsində piyada keçidi uçub.

APA-nın verdiyi məlumata görə, Cəlilabad şəhərinin Heydər Əliyev prospektində yüksək sürətlə hərəkət edən iri tonnajlı nəqliyyat vasitəsi yerüstü piyada keçidinin altına dəyib.

Nəticədə keçid aşaraq hissələrə bölünüb. 

Hadisə ilə bağlı yolda nəqliyyatın hərəkəti bir müddət dayanıb. Polis əməkdaşları tərəfindən qəza baş vermiş ərazidə nəqliyyatın hərəkət axınının tənzimlənməsi həyata keçirilib. 

Son məlumata görə, aidiyyəti qurumlar tərəfindən görülən tədbirlər nəticəsində yolda hərəkət artıq tam şəkildə bərpa olunub.

Onu da qeyd edək ki, yerüstü keçid yaxınlıqda yerləşən 3 nömrəli məktəbin heyətinin, həmçinin rayon sakinlərinin yolun qarşı və əks tərəfinə rahat keçməsi məqsədilə tikilib.

Hadisənin təfərrüatları dəqiqləşdirilir.