Türkiyənin İzmir şəhərində 3 polis əməkdaşı yaxalamaq istədikləri şəxs tərəfindən silahlı hücuma məruz qalıb.

Senzor.az yerli KİV-ə isrinadən bildirir ki, hadisə Seferihisar rayonunda qeydə alınıb. 

Silahlı insidentin baş verdiyi əraziyə polis əməkdaşları göndərilib. Asayiş keşikçiləri hadisə yerinə çatanda onlara silahlı hücum olub. Hücum zamanı 3 nəfər yaralanıb.

Hadisə yerinə növbəti dəfə polis əməkdaşları və təcili yardım göndərilib. Yaralılar təcili yardım maşınları ilə xəstəxanaya aparılıblar, onların həyatı üçün təhlükə yoxdur.

İnsidentlə bağlı araşdırma çərçivəsində 11 şübhəli saxlanılıb.

İstintaq davam edir.