Sabirabadda ağır yol qəzası baş verib.

“Report”un məlumatına görə, hadisə bu gün səhər saatlarında rayonun Qarağac kəndi ərazisində qeydə alınıb.

Belə ki, dəmir yolu keçidinin yaxınlığında iki avtomobilin toqquşması nəticəsində Sabirabad sakinləri - Umudov Samir Qurbanqulu oğlu, Hacıyev Manaf Poladxan oğlu və Şirvan şəhər sakini Abizərova Salatı Rəhman qızı ölüblər.

Qəza zamanı xəsarət alan iki nəfər isə Şirvan şəhər Xəstəxanasına yerləşdirilib.

Faktla bağlı araşdırma aparılır.