ABŞ-ın Kaliforniya ştatında 7 bal gücündə zəlzələ qeydə alınıb.
Senzor.az bildirir ki, bu barədə Avropa-Aralıq dənizi Seysmoloji Mərkəzi məlumat yayıb.
Qeyd olunub ki, yeraltı təkanların episentri 12 min insanın yaşadığı Fortuna şəhərindən 56 km cənub-qərbdə yerləşib. Zəlzələnin ocağı 14 km dərinlikdə olub.
Tələfat və dağıntılar barədə məlumat yoxdur.
Milli Okean və Atmosfer Tədqiqatı İdarəsindən (NOAA) bildirilib ki, Kaliforniya sahillərində baş verən 7 bal gücündə zəlzələdən sonra ABŞ-da sunami xəbərdarlığı edilib.
NOAA Sunami Xəbərdarlığı Mərkəzinin məlumatına görə, xəbərdarlıq Kaliforniya və Oreqon ştatlarının sahil zolağının bəzi hissələri üçün qüvvədədir.
