Tovuz şəhərinin "Təzə bazar" adlanan ərazisində partlayış baş verib.
Senzor.az bildirir ki, sözügedən ərazidə yerləşən çilingər sexində yanacaq çənini doğrayan zaman partlayış olub.
Nəticədə 32 yaşlı Rüstəmov Rasim Sahib oğlu və 58 yaşlı Quliyev Ələddin İsrafil oğlu xəsarət alıblar.
Yaralılar Tovuz rayon Mərkəzi Xəstəxanasına yerləşdirilib. Onlardan Ələddin Quliyevin vəziyyətinin ağır olduğu deyilir.
Əraziyə FHN-in və hüquq-mühafizə orqanlarının əməkdaşları cəlb edilib.
Faktla bağlı araşdırma aparılır.
