Əfqanıstanın paytaxtı Kabildə yerləşən Qaçqınlar Nazirliyində partlayış törədilib.
Senzor.az yerli KİV-ə istinadən bildirir ki, partlayış nəticəsində "Taliban" hökumətinin qaçqınlar üzrə naziri Xəlil Rəhman Haqqani həyatını itirib.
Hələlik hadisəni təfərrüatı barədə məlumat verilmir.
Məlumat üçün əlavə edək ki, həyatını itirən Xəlil Rəhman Haqqani Əfqanıstanın daxili işlər naziri və "Taliban"ın ali lideri hesab olunan Heybətulla Axundzadənin "sağ əli" hesab olunan Siracəddin Haqqanin yaxın qohumudur.
Xatırladaq ki, “Taliban” hərəkatı avqust ayında ABŞ və NATO qoşunlarının Əfqanıstandan çıxarılması fonunda ölkənin bütün əyalətlərinə nəzarəti ələ keçirib. Avqustun 15-də paytaxt Kabilə döyüşsüz daxil olan taliblər müharibənin bitdiyini elan ediblər. Avqustun 31-nə keçən gecə amerikalı hərbçilər Kabil hava limanını tərk edib və bununla da ABŞ-ın Əfqanıstandakı 20 illik hərbi mövcudluğuna son qoyulub. Sentyabrın əvvəlində “Taliban” hərəkatının əvvəlki hakimiyyəti dövründə xarici işlər naziri vəzifəsində çalışmış Məhəmməd Həsən Axundun rəhbərliyi ilə Əfqanıstanın müvəqqəti hökumətinin tərkibi elan olunub.
