Şəmkirdə qazsızma nəticəsində evdə partlayış baş verib.
Senzor.az bildirir ki, hadisə rayonun Aşağı Seyfəli kəndində qeydə alınıb.
Hadisə nəticəsində ev sahibi - 1985-ci il təvəllüdlü Şəhla Əzizova və onun qızı, 2005-ci il təvəllüdlü Ayişə Əzizova xəsarət alıblar.
Yaralılar xəstəxanaya aparılıb, qadının vəziyyəti orta-ağır qiymətləndirilir, qızı isə yüngül bədən xəsarətləri alıb.
Əraziyə hüquq mühafizə orqanlarının və Fövqəladə Hallar Nazirliyinin əməkdaşları cəlb olunub.
Faktla bağlı araşdırma aparılır.