Təyyarə qəzası baş verən yerdən müxtəlif dərəcəli bədən xəsarətləri alan 12 nəfər Aktaudakı Manqistau Regional Xəstəxanasına çatdırılıb.
Senzor.az bildirir ki, bu barədə Qazaxıstan mətbuatı məlumat yayıb.
Həmçinin bildirilir ki, hadisə yerində Qazaxıstan Respublikası Səhiyyə Nazirliyinin 21 təcili yardım briqadası fəaliyyət göstərir.
Qeyd edək ki, Azərbaycan Hava Yolları aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsi duman səbəbindən Aktau şəhərinin 3 km yaxınlığında qəzaya uğrayıb.
Təyyarədə 62 sərnişin, 5 ekipaj üzvü olub.
***
Qazaxıstanın Aktau şəhərində təyyarə qəzasında yaralanan 25 nəfər xəstəxanaya yerləşdirilib.
Bu məlumatı isə Qazaxıstan Fövqəladə Hallar Nazirliyinin Operativ Qərargahı yayıb.
***
Çeçenistan rəhbəri Ramzan Kadırov da Bakı-Qroznı reysi ilə uçan və qəzaya uğrayan təyyarənin sərnişinlərindən 25 nəfərin sağ qurtulduğunu bildirib.
