Azərbaycan-İran sərhədində 3,6 bal gücündə zəlzələ olub.
Senzor.az bildirir ki, bu barədə AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosu məlumat yayıb.
Yeraltı təkanlar Yardımlı stansiyasından 17 km şimalda, Azərbaycanla-İran sərhədində (İran ərazisində) yerli vaxtla saat 23.22-də qeydə alınıb. Zəlzələ ocağı 22 kilometr dərinlikdə yerləşib.
Zəlzələ Yardımlı, Cəlilabad rayonlarında 3 baldan artıq hiss olunub.
