Özbəkistanın Əndican əyalətinin İzboksan rayonunun "Mirzo Ulubəy" məhəlləsində məsciddə partlayış baş verib.
Senzor.az yerli KİV-ə istinadən bildirir ki, bu barədə ölkənin Fövqəladə Hallar Nazirliyi məlumat yayıb.
Qeyd olunub ki, hadisə nəticəsində 3 nəfər ölüb, 10 nəfər isə yaralanıb. Yaralananlar xəstəxanaya yerləşdiriliblər.
Partlayış yerinə Özbəkistanın baş nazirinin müavini Açilbay Ramatov və FHN rəhbəri Botir Kudratxocayev gəliblər.
İlkin versiyaya görə, hadisəyə səbəb oradakı qaz-hava qarışığından ibarət maddənin partlaması olub.
