Martın 28-də Myanmada baş vermiş güclü zəlzələ nəticəsində 3 mindən çox insan ölüb.
Bu barədə “Sinhua” agentliyi məlumat yayıb.
Məlumata görə, hazırda 3 003 nəfərin öldüyü, 4 515 nəfərin yaralı olduğu və 351 nəfərin itkin düşdüyü məlumdur. Daha əvvəl 2,8 min nəfərin öldüyü bildirilirdi.
Xatırladaq ki, martın 28-də Cənub-Şərqi Asiyada güclü zəlzələ baş verib. Müxtəlif məlumatlara görə, onun maqnitudası 7,7-7,9 arasında dəyişib. ABŞ Geoloji Xidməti (USGS) zəlzələnin episentrinin Mandalaydan təxminən 17,2 km aralıda, 10 km dərinlikdə olduğunu bildirib. Bunun ardınca 6,4 maqnitudalı ikinci zəlzələ də baş verib.
Myanmada bir həftəlik milli matəm elan edilib. Ölkənin dövlət bayrağı aprelin 6-dək yarıya qədər endirilib.
