Dövlət Sərhəd Xidmətinin (DSX) hərbi qulluqçusu Əsgər Nicat oğlu Musazadə ilə Lənkəran rayonunun Göyşaban kəndində vida mərasimi keçirilib.
Senzor.az bildirir ki, vida mərasimindən sonra Ə.Musazadə Göyşaban kənd qəbiristanlığında dəfn olunub.
**10:32
Cəbrayılda hərbçinin həlak olması faktı ilə bağlı araşdırma aparılır.
Senzor.az bildirir ki, KİV-in sorğusuna cavab olaraq Dövlət Sərhəd Xidmətindən (DSX) verilən məlumatda belə deyilir.
Qeyd olunub ki, xidməti vəzifəsini yerinə yetirərkən Cəbrayıl rayonu ərazisində aşkar edilmiş sursat partlayışı nəticəsində Lənkəran rayonundan olan hərbçi Musazadə Əsgər ağır xəsarətlər alıb. Ona ilkin tibbi yardım göstərilsə də həyatını xilas etmək mümkün olmayıb.
Faktla bağlı Hərbi Prokurorluqda və DSX-da araşdırmalar aparılır.
**10:08
Dövlət Sərhəd Xidmətinin (DSX) hərbi qulluqçusu Əsgər Nicat oğlu Musayev Cəbrayıl rayonunda minaya düşərək həlak olub.
“Report”un məlumatına görə, mərhumun nəşi dəfn olunması üçün Lənkəran rayonuna gətirilib.
Ə.Musayev Göyşaban kənd qəbiristanlığında torpağa tapşırılacaq.
