Bakının Suraxanı rayonunun Hövsan qəsəbəsində evdə partlayış olub.

"Report" xəbər verir ki, hadisə Bağlar massivində fərdi evdə qeydə alınıb.

Nəticədə evdə olan Elvin Məmmədov ölüb, Nihad Əşrəfov isə müxtəlif bədən xəsarətləri ilə xəstəxanaya yerləşdirilib.

Senzor.az bildirir ki, bu arada Fövqəladə Hallar Nazirliyi Hövsanda fərdi yaşayış evində baş verən partlayışla bağlı  məlumat yayıb.

Bildirilib ki, ümumi sahəsi 200 m² (hər mərtəbəsi 100 m²) olan ikimərtəbəli 4 otaqlı evin (spirt məhsulları istehsalı sexi kimi fəaliyyət göstərib) yanar konstruksiyaları yanıb. Alovun qarşısı yanğından mühafizə bölmələri tərəfindən alınıb.

Faktla bağlı araşdırma aparılır.