Tbilisinin “Vağzal meydanı” metrostansiyasının yaxınlığındakı ticarət mərkəzində baş verən yanğın söndürülüb.
Senzor.az yerli KİV-ə istinadən bildirir ki, bunu Yanğın-Xilasetmə Baş İdarəsinin rəisi Levan Museliani deyib.
O bildirib ki, alovun qarşısının alınmasına 30 ədəd yanğınsöndürmə avtomobili cəlb edilib.
İlkin məlumata görə, hadisə mərkəzdə yerləşən ayaqqabı mağazasından başlayıb və qısa müddətdə 15 min kvadratmetrlik ərazini əhatə edib.
Xəsarət alanlar yoxdur.
Hadisənin səbəbləri araşdırılır.
**09:14
Aprelin 30-da səhər saatlarında Tbilisidə metronun "Vokzalnaya ploşad" stansiyası yaxınlığındakı bazarda güclü yanğın baş verib.
Senzor.az yerli KİV-ə istinadən bildirir ki, yanğın geyim, meyvə-tərəvəz və müxtəlif əşyalar üçün anbarların olduğu ərazidə baş verib. Ətrafı qatı tüstü bürüyüb.
Fövqəladə Hallar Xidmətindən verilən məlumata görə, hadisə yerində xilasedicilər işləyir. Yanğın nəticəsində hələlik xəsarət alanların olmadığı bildirilir.
Bazardakı mal sahibləri yanğının baş verdiyi ərazini aktiv şəkildə təmizləməyə çalışırlar..
Hadisənin səbəbləri ilə bağlı araşdırma aparılır.
