Bu gün günorta saatlarında paytaxtın 28 May küçəsində böyük ağac aşaraq hərəkətdə olan avtomobillərin üstünə düşüb və nəticədə ərazidə yol qismən bağlanıb.
Hadisəni əks etdirən görüntülər sosial şəbəkələrdə yayılıb.
Senzor.az-ın məlumatına görə, məsələ ilə bağlı Bakı Şəhər Yaşıllaşdırma Təsərrüfatı Birliyindən KİV-in sorğusuna cavab olaraq bildirilib ki, hazırda ərazidə təmizləmə işləri aparılır: “Məlumat daxil olan kimi Yaşıllaşdırma Təsərrüfatı Birliyinin əməkdaşları dərhal hadisə yerinə gediblər. Sınan ağacı kəsərək ərazini təmizləyiblər. Hazırda yol açılıb”.
