Cəlilabad rayonunda 37 yaşlı kişi küçədə qətlə yetirilib.
Senzor.az bildirir ki, hadisə mayın 29-da, axşam saatlarında Cəlilabad şəhərinin Səttərxan küçəsində baş verib.
Şəhər sakini, 1988-ci il təvəllüdlü Bəhruz Hüseynov küçədə ürəyindən bıçaqlanıb. O, xəstəxanaya aparılsa da, həyatını xilas etmək mümkün olmayıb.
Hüquq-mühafizə orqanları əməkdaşlarının keçirdikləri əməliyyat nəticəsində hadisəni törətməkdə şübhəli bilinən 2006-cı il təvəllüdlü Orxan Əkbərov saxlanılıb.
Araşdırma aparılır.
