Paytaxtın Sabunçu rayonunda ağır yol qəzası baş verib.
“Qafqazinfo” bildirir ki, 1965-ci il təvəllüdlü Rizvan Abasovun idarə etdiyi “Kia Rio” və 1993-cü il təvəllüdlü Təbriz Baxışzadənin sürdüyü “Skoda Rapid” markalı avtomobillər toqquşub. Nəticədə “Kia Rio” markalı avtomobilin sürücüsü R.Abasov hadisə yerində həyatını itirib, avtomobildə sərnişin olan oğlu - 1991-ci il təvəllüdlü Abasov Kənan Rizvan oğlu isə ağır xəsarətlər alıb.
Həmçinin “Skoda Rapid” markalı avtomobilin sürücüsü T.Baxışzadə, sərnişinləri - 1986-cı il təvəllüdlü İsmayılov Rahib Sahib oğlu, 1961-ci il təvəllüdlü Əliyev Nazim Vahab oğlu və 1995-ci il təvəllüdlü Qurbanov Qurban Saqif oğlu müxtəlif dərəcəli bədən xəsarətləri alaraq Sabunçu Tibb Mərkəzinə yerləşdiriliblər.
Faktla bağlı Sabunçu RPİ-də cinayət işi başlanıb, istintaq aparılır.
