Əfqanıstanda dağıdıcı zəlzələ nəticəsində həlak olanların sayı 1411 nəfərə çatıb.

Senzor.az yerli KİV-ə istinadən bildirir ki, bu barədə Taliban hökumətinin sözçüsü Zabihullah Mücahid məlumat verib.

Onun sözlərinə görə, təbii fəlakət nəticəsində ən azı 3 124 nəfər xəsarət alıb, 5412-dən çox ev dağılıb.

Xatırladaq ki, avqustun 31-i gecə saatlarında Əfqanıstanın Cəlalabad şəhəri yaxınlığında 6 maqnitudalı zəlzələ baş verib.

Taliban hökuməti ölənlərin sayının 4 min nəfər, BMT isə 1,5 min nəfər olacağını güman edir.